陳豪錫老婆會發達　被斷正名店即場擲錢買手袋

視帝陳豪早前被揭送60萬鱷魚皮手袋畀前港姐冠軍、太太陳茵媺，震撼網民，佢仲大膽豪言話：「錫老婆係必需嘅，So what？」，愛妻之心無遮無掩，更被指年賺三千萬，出手送禮畀太太自然闊綽。估唔到佢話音未落，一轉身佢就被發現現身南京名店，更疑似即場擲錢買包包畀靚老婆。

陳豪最近同丁子朗亮相南京出席星光見面會，同一眾影迷見面互動。佢台上大冧影迷，台下心繫老婆大人，一收工陳豪就現身名牌店，網友拍得店員為陳豪介紹名牌手袋一幕，離遠已經見到佢拎住手袋左睇右睇，好專心聽店員講解，嘴角全程露出滿意笑容勁冧豬，仲將手袋孭喺自己膊頭咁行去畀錢，真係寵妻無極限！

東網網站 : https://on.cc/東網Facebook專頁 : https://www.facebook.com/onccnews/