朱智賢宣布「分」訊前 曾憔爆撐曹敏寶 雙眼浮腫強裝笑容

謝東閔與朱智賢相戀8年，昨晚（17日）在毫無預警下，突然在社交平台一同發文宣布「分」訊，消息令人震驚，而翻看朱智賢的社交平台，她在宣布分手消息前，昨天（17日）曾現身商場活動力撐好友曹敏寶新歌發布會，雖然朱智賢化了靚妝及手持鮮花送給曹敏寶，但仍難掩容顏憔悴兼雙眼浮腫。

當時朱智賢吻賀完曹敏寶後，卻被對方反窒：「我真係唔知你嚟，你仲問我幾點？你嚟㗎咩？你唔會嚟㗎啦！」朱智賢聞言便說：「我出現係有原因嘅，因為曹敏寶成日詐我型，話《中年好聲音》嗰陣，我成日冇出現，嗰時我好忙要開劇，我記得有出現1、2次支持佢，成日攞番呢件事嚟講，我今（昨）日專登嚟佢新歌發布會，山長水遠嚟到現場support你，希望你感受到我對你嘅愛，唔好再詐我型。」

（即時娛樂）