自從中國演員王星近日到泰國拍攝遭「賣豬仔」到緬甸一事，鬧得人心惶惶！就連陳奕迅於泰國的演唱會亦因考慮歌迷往泰國安全問題，於是經審慎決定後取消演出。不過，淘大宇與於《愛．回家之開心速遞》飾演「王朝」的莫家淦就「冇有怕」，日前應邀去同樣有詐騙園區的柬埔寨登台！
莫家淦指相熟公司介紹相信安全
莫家淦接受媒體訪問時表示，自己於昨日（1月21日) 早上到埗：「 一開始聽到係柬埔寨都有啲驚嘅，做定資料蒐集，我以前做眼鏡生意過舊拍檔都係柬埔寨開廠，佢同我講我哋去嗰啲點都好安全，相對繁榮，冇坊間講到咁恐怖喺街度亂咁捉人。」
莫家淦又指登台工作是經熟人介紹：「係香港商人開嘅一個娛樂城，有酒樓有大型嘅酒吧場所，中介搵我做嘢都係之前喺馬來西亞登台識嘅，所以唔係『王星事件』嗰啲係群組三唔識七嗰啲嚟嘅，都係啲相熟嘅，除咗我之外，當然仲有陶大宇，見到大宇哥去都增添信心。」
淘大宇、莫家淦登台獲巨星級款待
從莫家淦於社交媒體分享的段片與圖片可見，此行二人更受到巨星級待遇：「好安全㗎，去到現場有人接機，有啲保鑣坐住勞斯萊斯帶我哋去酒店食嘢，我哋個司機就係軍方嘅人。網上見到啲YouTuber借呢啲事喺度呃流量，千祈唔好亂咁信，我定時定候都有同屋企人度報平安，所以都唔使擔心而家住嘅酒店都係國際知名品牌。我今日到，夜晚做嘢，聽朝就會返香港，開show都會有10幾個保鑣喺度。」
有媒體全程追蹤以及每日報告行程，相信淘大宇與莫家淦在大眾高度關注之下，可以保障人身安全。二人的表演既已結束，希望他們盡快現身社交媒體報個平安吧。
Follow she.com on Facebook & Instagram