鄭中基爆當年被迫改歌詞上《勁歌》！直言「唔妥到𠵱家」：咁多年未見我喺TVB出現過

鄭中基（Ronald）昨日（11月12日）在其YouTube頻道「機動電視台RTV」大數自己過去廿多年來拍過最匪夷所思的MV，提到當年廣東歌都要為TVB另外拍一個版本時，Ronald大爆當年TVB要求他們改《無賴》其中兩隻歌詞才可以拍MV、上《勁歌金曲》，直言「由嗰時開始就唔妥TVB到𠵱家」。

鄭中基在短片中提到當年《勁歌金曲》多年來都有規定要求有自己版本MV，更要求唱片公司改《無賴》其中兩隻歌詞。「有句歌詞TVB一定要我改咗先可以參加《勁歌金曲》，就係『曾話過要戒煙』，佢唔知點解唔畀我講戒煙，我就特登要入過錄音室錄過另一句歌詞，就係『曾話過要儲錢，但講了就算』。」

Ronald直言「被迫改歌詞」一事開始嬲TVB，「而我嬲TVB之餘，我嬲番自己公司。點樣可以一個artist嘅歌，為咗一個電視台而去改兩隻歌詞，淨係for佢？嗰陣時錄咗去就算，因為公司問題啦﹗就由嗰時開始之後，我就唔妥TVB到𠵱家，咁多年嚟大家冇再見我再喺TVB出現過﹗」

Ronald再舉例說：「等如Michael Jackson 嚟，『我唔鍾意你隻歌叫《Billie Jean》，你淨係可以唱《攞嚟賤》』，咁人哋會唔會踩你吖？係咪先？」