安心事件5週年 許志安訪談試水溫 俾機會一個「壞左嘅人」？

1.呢排全城追訪何生點畀新何太燉湯迷暈，實質娛樂圈都有個許生 ，喺5年前同黃心穎車吻至身敗名裂。訪談節目《芷珊約您》，主持黎芷最近請嚟壞咗嘅人許志安做嘉賓，重提舊事。

2.節目內安仔顯得甚有誠意，甚至顯得戰戰競競，直認「嗰刻嘅我係人生最……痛苦、最黑暗，睇嘢冇顏色」，又坦言「依個傷疤會跟住我一世」。事件中最大受害者太太Sammi ，當年引用《聖經》內容選擇原諒老公，安仔指一直心存感激。

3.節目內安仔又引用返自己金句，「畀個機會我，壞咗做番好。」對於安仔首次親解安心事件，網民都幾分歧，有認為事件已過左咁耐，值得俾機會佢重新出發，亦睇到佢表現真誠。亦有網民指佢「國民賤男」、「睇佢唱歌就諗到偷食！」

4.安心事件爆出後，安仔即時暫停所有演藝工作，到2022年宣布復出，但反應平平。今次受訪又係表現悔過嘅機會，佢都非常識做，一邊戴住婚戒，一邊高調多謝愛妻，希望大家支持。

5.芷珊姐姐問到事件會否令二人感情昇華？安仔就一臉嚴肅話，「呢件事之後，唔好再用呢啲字眼。」證明安仔都很坦白。

6.事件女主角黃心穎潛水幾年，學佛靜心。舊年喜事成雙，同男友泥鯭拉埋天窗，再宣布復出轉戰樂壇。兩人過去俾全城唾罵，受到教訓，另一半選擇原諒，大家又認為值唔值俾機會佢地重新出發？

▼Follow 娛頭
Facebook: https://www.facebook.com/profile.php?id=61554772610166