美國多個州嚴格執行年齡驗証規定 Pornhub決定停止部分地區服務

相信Pornhub陪伴過唔少人渡過多個寂寞嘅晚上，係唔少人嘅恩物、好朋友！但一剎那光輝不代表永恆，由於美國多個州開始實施嚴格嘅年齡驗証規定，Pornhub宣佈今年夏季將會喺愛達荷州、印地安那州、堪薩斯州、肯塔基州同內布拉斯加州停止服務，令住喺呢幾個州嘅居民都晴天霹靂！

美國多個州開始嚴格執行針對色情網站嘅年齡驗証規定，要求使用者必須上傳車牌或者政府認可嘅身份証明文件，仲要透過第三方年齡驗証服務証明已經成年，先可以使用色情網站。Pornhub認為需要提交咁多個人資料，會對使用者嘅個人私隱造成好大影響，亦唔安全，更指政府就算嚴格執行，都阻止唔到未成年嘅人利用其他渠道接觸色情內容，而且上年Pornhub都嘗試過配合政府規定，反而令到整體流量大幅下降80%，所以Pornhub決定直接喺有規定嘅州份停止服務。

其實因為呢個規定，Pornhub早前已經喺德州關閉咗服務，點知關閉後，「VPN」呢個字喺Google嘅搜尋量大幅增加，睇嚟大家都好寂寞難耐，用盡所有方法都要上到色情網站。如果美國真係要禁，仲要下好大功夫喎！而身處香港嘅大家就爽啦，仲可以輕鬆上到色情網站，繼續同左手培養感情～

▼Follow GadgetGang HK
YouTube: https://www.youtube.com/@GadgetGangHK
Instagram: https://www.instagram.com/gadgetganghk/