黃子華曾獲內定做主角　邀劉青雲參演即被取代︰不要心存不忿

黃子華主演電影《破．地獄》上周正式上映後大獲好評，短短一星期票房已衝破4500萬，有望成為他繼《毒舌大狀》後又一部破億作品，令他華麗轉身成為香港電影票房靈藥。黃子華近日接受資深電影人文雋的YouTube頻道《文雋講呢啲講嗰啲》訪問，大談過去被封為「票房毒藥」的心情，

黃子華雖被封為「香港棟篤笑教父」，其實出道多年一直醉心演戲，可惜過去無論演出或執導電影都票房慘淡，後來被網民奉為cult片的《一蚊雞保鑣》當年更僅收17萬，成為他一大黑歷史。黃子華接受文雋訪問，提到早期在影壇發展不如意，他自爆導演張志成當年籌拍電影《播種情人》，本來預定由他擔正，但黃子華提出邀請老友劉青雲加入演出，可以劉青雲答應後，消息傳回電影公司UFO，對方即提出讓劉青雲擔任男主角，黃子華則變成第二男主角。

黃子華憶述事件，坦言當時對他亦是個心理關口：「我都唔鬼記得阿成（張志成）個態度係點，但我記得我要同自己做一個therapy（心理輔導）。我要同自己講，做人唔係咁嘅，唔係『嘩，阿成你應承咗我，青雲你係我老友，咁啫係冇朋友做啦以後』，我當時好清醒話畀自己聽，能者居之，青雲點解UFO要搵佢，係因為佢deserve（值得）去做呢個位，咁阿成都為呢個project搞咗好多嘢。講句唔好聽，咁佢第一日唔搵我，其實一啲都唔出奇，調返轉頭，咁咪應該人去做囉，我好記得同自己講，你一定要放低呢樣嘢，你唔好hold grudges（心存不忿），你就會冇咗兩個朋友，然後你仲會唔開心好耐，唔知為乜。」相當豁達。