ViuTV女主持李賢(Leanne)，不時在IG派福利，都吸到超過10萬粉絲，早前首度參演劇集《飛黃騰達》亦有大膽演出惹話題。早前李賢就在社交平台自爆被舊愛纏上，原來當年拍拖更被迫去財務公司借錢，借完還被拍枱鬧爆。
李賢早前在社交平台留言：「被前度纏上了。」之後再提到原來早前和一位已婚舊愛在街上重遇，雖然她當時正傾電話只打了一聲招呼便離開，但之後這位舊愛再用另一個號碼傳訊息給她，說可贊助她美容。然後早前去活動做主持，有一個女仔表示是這位舊愛老婆，她不明白為何要相認：「Anyway我嘅言談之間都忍唔住表露咗：『咁都啃得落，辛苦你』我冇心，但忍唔住，sor。」之後那位舊愛再聯絡她表示希望合作：「後尾原來係佢自己想搞新生意搵我做宣傳，仲叫我收平啲。大佬，你以前咁對我，真係好意思問得出嗰下好嘢。」
而李賢更大數對方：「嗰陣成日嫌我太普通配佢唔起，唔肯公開關係，明知盒朱古力過期都要送畀我話費事浪費，自己生意失敗但TU差就叫我幫佢去財務公司借錢，又唔肯陪我去，到我借完返嚟發現原來啲息口好高(我嗰陣時真係唔識)，本身要出去借錢已經好驚，返到去仲要俾佢拍枱鬧到我喊，平時又突然發脾氣打嚟話冇錢駛叫我過錢畀佢。佢啲衰嘢要寫出嚟嘅話，分分鐘厚過本百科全書！不過我認自己當初係傻西瓜，但而家可唔可以俾我move on？」