何珮瑜（Jeana）日前為在下周一首播的ViuTV劇集《熟女強人》拍攝大膽床戲，與對手楊天宇又攬又錫，床戰連場，她笑指今次打破自己劇集性感尺度。Jeana說：「一定係啦！因為我都冇咩拍劇，做咩都會打破紀錄，我今日都著咗4層衫防走光，對手就要騷肌肉，咩都除晒！有一場我唔小心壓住佢大髀筋，痛到佢即刻慘叫。」
劇中其他女主角，都需要外景拍攝，唯獨Jeana大部份場口酒店完成。她說：「可能監製錫我啦，又可能劇本需要，我好多場景都係酒店完成，唔使日曬雨淋係好舒服嘅。」
Jeana就話等緊煞科宴，期待與姊妹重聚。「拍呢部劇最難忘係幫人做Spa，因為平時我都係去俾人按，今次就要同曾樂彤、朱鑑然有肌膚之親，劇入面又有埋BB，我現實中都想有個小朋友，依家我都母性大發，可惜我連個盤都冇，可能拍完部劇要公開招婚先得。」
留言 0