王菲打扮激似謝霆鋒　主動同1位頂流小生粉絲打招呼

樂壇天后王菲同謝霆鋒復合10年，向來生活低調嘅王菲近年更鮮少亮相幕前，而今日（21日）凌晨現身機場，準備去巴黎出席活動嘅佢，似乎就人情大好並主動向現場粉絲打招呼，出名寡言嘅佢仲主動向王一博粉絲傾偈認真難得。

只見一身休閒打扮現身機場嘅王菲，着上黑T襯深藍色運動褲，打扮雖然樸素，但仍難掩佢弗到漏嘅好身材，而一如往常戴上口罩現身嘅佢，一對笑眼更係遮都遮唔住，加上主動同粉絲打招呼嘅舉動，實屬罕見。面對粉絲熱情嘅包圍，王菲都一一主動揮手回應外，認出王一博粉絲嘅佢，更主動向對方提問道：「王一博這麼晚還沒到呀？」簡單一句提問瞬間造成轟動外，利落嘅機場打扮，亦引嚟唔少網友留言道：「（打扮）愈來愈像謝霆鋒！」、「整個人氣質跟謝霆鋒一模一樣。」

東網網站 : https://on.cc/東網Facebook專頁 : https://www.facebook.com/onccnews/