小S被老公斷正同外國人視像　許雅鈞怒吼：滾出家門

台灣女星小S（徐熙娣）和老公許雅鈞育有3個寶貝女兒，不過二人婚姻就屢傳婚變，今次小S更公開自爆二人婚姻危機，佢自己亦一度被趕出家門！小S喺綜藝節目《小姐不熙娣》提到，之前佢下載英文教學App，同外國人視像學英文，點知有次許雅鈞飲醉回家，一開門就見到佢同外國男生視像傾偈，竟然誤以為佢出軌，當場怒吼：「你在跟誰講話？」跟手仲追問：「你三更半夜在跟那個老外講話，他是誰？你是不是在外面跟這老外亂搞！」令佢當下十分慌張，急忙同外國人老師道歉，並匆匆熄咗視像，同許雅鈞解釋對方係老師。

隔日一早，小S就質問許雅鈞：「你知不知道你昨天多丟臉？你叫我滾出家門！」但係老公竟然完全唔記得，甚至堅稱「沒有這件事」令佢嬲到眼都凸埋。對此，女星李新仲安慰佢表示，咁係代表老公緊張且在乎佢，加上飲醉後往往都會做出最真實的反應，話代表小S喺老公心目中位置好重。

東網網站 : https://on.cc/東網Facebook專頁 : https://www.facebook.com/onccnews/