無綫藝人黃庭鋒日前跟明星足球隊到內地踢波，庭鋒之前被公司捧為「奧運六星」之一，讀書時期已是運動員的他，向來熱愛足球，更差點成為職業足球員，今次跟着一班前輩張兆輝、黃日華、譚詠麟等到天津進行友誼賽，庭鋒接受東網訪問時坦言感受很大，他謂：「其實好耐之前去練咗次波，但之後撞咗工作，今次諗住去玩吓，點知現場有成萬多二萬名觀眾，以前成日睇賀歲盃、去大球場睇人踢波，依家有機會可以同大家一齊進場踢波，踢完大家又圍住個場行咗一個圈，球迷嘅熱情真係好有感染力。」
庭鋒又指除了一班前輩外，當中還有以前港隊的球員一起作賽：「見到佢哋真係好多回憶，諗番起以前喺大球場睇佢哋踢波，依家居然有機會可以一齊踢，仲咁近距離，感覺好神奇。」問到在場邊位前輩令他印象最深刻時，他謂：「我覺得個個都好上力喎！不過華哥（黃日華）嘅左腳斬波好準，有幾下畀到啲好獨到嘅波。」
東網網站 : https://on.cc/東網Facebook專頁 : https://www.facebook.com/onccnews/
留言 0