香港東方昨晚（7日）在灣仔修頓場館上演東亞超級籃球聯賽（EASL）A組主場謝幕戰，迎戰上季韓國職籃（KBL）亞軍球隊水原KT音速彈。東方最終以69：61力挫對手，主場締造兩連勝，延續出線希望。
昨晚賽事吸引眾多球迷捧場，包括MIRROR成員姜濤，他戴了口罩及眼鏡，身穿長袖連帽衛衣，包到冚跟兩名友人坐在觀眾席頭排欣賞賽事，其間姜濤用電話拍下球賽精彩片段，他力撐香港東方，並將相關片段放上社交平台限時動態。雖然姜濤包到冚，但仍被現場攝影師認出，鏡頭甫移近他，旁述主持吳毅豪說：「我諗呢位大家都認識呀，中間嗰位，就係我哋本地偶像，都嚟咗現場睇波。」
有網民讚HOY TV沒有避嫌，照播出「隔籬台」藝人畫面，而吳毅豪也在帖文留言：「Sor!因為我代表HOY TV做直播，唔方便講佢個大名出嚟，唔好鬧我。」姜糖（粉絲暱稱）讚他做得很正確兼表現專業。
（即時娛樂）
留言 0