拜仁主場對利華古遜德國盃比賽，拜仁龍門紐亞係比賽17分鐘因為係禁區外撞跌利華古遜翼鋒費林邦，被球證直接用紅牌趕離場，今次仲係紐亞職業生涯867次上陣第一次拎紅牌。去到比賽69分鐘，利華古遜左閘基馬度助攻比後備上陣球員尼芬泰拿頭槌入波，最後拜仁0:1不敵利華古遜，連續5年無緣德國盃四強😶
拜仁龍門紐亞接受訪問就話「紅牌決定咗場比賽，我真係覺得唔好意思，因為真係令人好失望。當我哋踢少一個之後，情況變得非常困難。我哋成班球員都已經盡咗力，大家唔可以怪佢哋，而我會同球隊道歉🙇。」
講返張紅牌，呢位德國🇩🇪龍門就話「其實我無諗過傷害費林邦，我只係想去拎波，但無辦法及時搶到個波。我依家無辦法改變所有野，只會承認呢個係一個錯誤，我一定要接受佢😫。」
▼Follow足球仁
Instagram: https://www.instagram.com/football_yern/
留言 0