COLLAR 澳門騷唱功惹熱議　被指要練歌練氣自評60分

女團COLLAR 日前於澳門倫敦人綜藝館完成《COLLAR CRUSH LIVE 2024 - MACAO》演唱會，成員唱跳獲讚水準十分高，不過7名成員各自獨唱抒情歌的環節，就在網上被熱議。

COLLAR 各名成員舞藝精湛，澳門騷後不少粉絲轉貼當晚跳唱片段，大讚「好齊」、「有團魂」、「勁好睇」。各名成員其後各自獨唱慢歌，Sumling（李芯駖）、Marf（邱彥筒）、Winka（陳泳伽）分別唱了自己的歌。而 Ivy（蘇雅琳）、 Candy（王家晴）、 Day（許軼）和 GAO（沈貞巧）則選擇翻唱其他歌手的歌，包括葉巧琳的《難道我還未夠難》、鄧小巧的《神愛世人》、Moon Tang的《外星人接我回去》、謝雅兒的《填詞魂》。

不過，這環節就被網民批評 COLLAR成員的唱功有待改善，「唱到斷氣咁，不如練完氣先練歌啦……唔好講音準，聽咗成分鐘都聽唔到一句歌詞」、「Candy揀小巧姐姐首《神愛世人》，我係耶蘇（穌）聽到都痛哭」、「佢哋賣girl crush 純勁歌熱舞咪算」、「有時間就練下歌喇🥹勉強真係冇幸福㗎」。

亦有網民就覺得她們只是「揀錯歌」，「好努力聽到一半…… 點解音樂總監/經理人會俾佢唱呢首歌」、「冇大炒算係咁啦。唱功、感情表達上 相信盡咗力（其實都要講天份）但覺得佢有能力改善下啲台風，啲眼神/表情管理、身體/姿態動作」。

其實各成員騷後亦表示給自己獨唱環節60至70分，Candy、Day、Ivy及 GAO直言唱其他歌手的歌，是想挑戰自己，Ivy說： 「多謝唱歌老師今日一早嚟幫我哋開聲，知道唱歌部分仲好多進步同改善空間，但對我哋講係對自己一個挑戰自己。」Marf則表示場地回音較多，之前彩排一直存有小問題，所以當每位成員順利完成落台都舒了口氣。