歌手張敬軒將於本月29、30日在西九文化區與韓國抒情歌手成始璄及其他樂團、音樂人等出席戶外音樂盛宴，屆時軒仔會跟成始璄破天荒合唱經典歌。而軒仔今日於社交網表示為了一連兩日的演出，要練好韓文及學新嘢，天氣漸冷，他亦叮囑粉絲們要着多件衫，他留言：「最緊要包住條頸，飲暖嘢，食好飯，見吓會令你開心嘅人，做吓令自己開心嘅事，自然好多嘢都會順利㗎喇。」
張敬軒的留言除了窩心之外，亦令粉絲相當擔心，皆因日前軒仔的愛貓Leslie才剛火化，粉絲都仍擔心他的心情狀況，不過軒仔都有跟大家說：「至於我呢，唔使太擔心，離愁別緒總係需要啲時間過，畢竟喺我嘅人生入面，都唔係第一次，話晒我都見過大場面。」之後他又指下個月1日開始他會開始放假，更公開問網民：「有10幾日假去邊度玩好?想自己一個靜靜哋，但係又可以食返啲好嘢增肥，有咩提議先？」網民聽見軒仔有假放都戥他開心，來自新加坡、日本、內地的粉絲都提議軒仔去當地見他們，更有網民留言：「不如返廣州見吓啲街坊啦！」
東網網站 : https://on.cc/東網Facebook專頁 : https://www.facebook.com/onccnews/
留言 0