TVB資訊節目《東張西望》經常幫人伸張正義,昨晚(27日)一集又有「苦主」接受訪問,而今次主角是大家都認識的陳彥行(行姐),她稱75歲的媽媽疑被騙,當中涉及3,000萬保單,行姐不為意下亦捲入其中,訪問中行姐多次淚如雨下,揚言有生之年一定要討回公道。
行姐透露媽媽在2018年認識到一位理財主管佘先生,對方對媽媽好好,經常約食飯,有時更會帶埋太太一齊。直至同年7月,佘先生主動提議為媽媽投資,但因年紀太大,要與家人一齊開立聯名戶口;行姐稱與媽媽一向財政獨立,未過問媽媽的戶口財政狀況,行姐直言以為佘先生與媽媽已傾好細節,不以為意便簽名:「落到去簽文件好簡單,佢係咁話『呢度呢度』。」
行姐接受《東張西望》訪問。
行姐好激動,多次講到喊。
直至今年5月27日,行姐收到佘先生離職通知,發現戶口的錢幾乎全部蒸發晒,嚇到媽媽差點暈低。行姐說:「佢上過去媽媽屋企道歉,之後仲有send道歉短訊,話自己可能做得唔好,冇每月計正負數,唔係想就咁走咗去。」錄音中有親戚反問佘先生:「每張一百萬,有五張(保單),仲要供三年,咁係咪仲要1,500萬?」佘先生續稱會幫忙完成申索,並再向大家講對唔住。但最後行姐還是要自己向保險公司查詢,得知六份財務分析表全部失效,有機會血本無歸。
保單金額達3千萬港元。
行姐還展示佘先生的短訊通話。
留言 26
爆爆波
BEST
又係商業詐騙,專對付阿婆。
我唔理受害人簽咩名睇咩條款,本身個經紀絕對有詐騙成份。呢樣就無得抵賴。
2021年12月28日01:58
.スギモト マサヨシ
你估銀行D財務策劃職員/經理真係想幫你~佢哋其實只係會關心怎樣賣銀行產品怎樣跑數及那份產品收取高佣金~大家是否已經忘記了之前雷曼債券呢?💯💯
2021年12月28日02:43
Sandwich
其實唔怪得人
1. 你簽名冇睇清楚細文同條款, 乜都唔睇直接簽?
2. 事前點解唔同母親溝通過?
3. 係你自己揀要信哂外人, 全部比哂錢比佢打理, 風險不嬲都存在, 錯就錯在你信哂對方。
4. 唔明點解要將責任推哂係對方上, 自己就咩責任又唔睇楚所有野就賴人?
2021年12月28日01:26
彬彬涼涼涼
我都睇咗,佢話淨係落行簽名,簽完名又唔睇條款,又唔知簽左啲乜,佢都好大責任。
2021年12月28日01:44
貓奴毛毛
呃人果個當然衰
但自己簽名前絕對有責任睇清楚係簽緊d咩
如果個個都話自己信人,因此乜都唔睇就亂簽,甘世界仲得了既?
2021年12月28日03:25
顯示全部