吳家忻宣布分手前已洩玄機　罕談前未來奶奶缺點

網紅吳家忻（Kayan9896）前日（22日）忽然宣布與富三代「百億筍盤」馬桂烽分手，網民發然佢嘅社交網仍追蹤馬桂烽及其媽媽薛芷倫，不過薛芷倫就已將去年Kayan參與家庭母親節聚會嘅合照刪去，為對方「未來新抱」地位正式落閘。但原來喺佢宣布分手前一個月，已經無意間暗示自己同薛芷倫之間充滿糾結之情。

上月21日，佢與同歌手兼好友張天穎（Jaime）現身樂隊Zpecial成員康聰及煒賢主持嘅《醉酒Don't Call》節目錄影，期間講起男友，令網友猜測二人當時仍未分手。當時佢需要回答主持人提問，若答得差或唔回答就要扣分及飲酒，當中康聰尖銳問道：「講三個男朋友媽媽唔好嘅嘢？」Kayan聽完竟然諗住回答，一臉認真思考近10秒，期間更倒抽一口涼氣，狀甚非常苦惱，好在Jaime即時制止，怕好友講錯嘢：「飲啦！仲答！」不過已足夠令網民對佢同「前未來奶奶」關係嘅微妙變化，欲言又止舉動更添懸疑感。

東網網站 : https://on.cc/東網Facebook專頁 : https://www.facebook.com/onccnews/