花姐澄清「燒雞論」非諷刺Frankie女友　罪魁禍首Edan笑唔停

MIRROR成員Frankie陳瑞輝圈外女友Christy連日被揭黑歷史，經理人黃慧君（花姐）日前貼出燒雞相引起爭議，網民推測她是暗諷事件，今日（23日）花姐陪同姜濤現身活動時一同接受訪問，花姐為事件解畫，否則有弦外之音，澄清碰巧有MIRROR成員綵排期間請食燒雞所致。今晚Edan呂爵安完成拉闊音樂會後，承認是他請花姐吃燒雞，又直指知道大家談論此事後：「我真係笑出聲！」

連日來Frankie女友近日被揭黑歷史，他自己亦陷出軌疑雲，至今Frankie、其經理人花姐及公司未有回應，反而花姐日前在社交網限時動態上載燒雞相，寫道：「好食，但難handle，我嘅性格會選擇唔食。」不禁令人懷疑她意有所指。經理人自己亦捲入風波，適逢今日花姐陪同姜濤出席活動，罕有地一起受訪，姜濤更幫忙拿著錄音咪。

花姐受訪時澄清，當日有MIRROR成員綵排期間請食燒雞，但因為自己有濕疹，餐廳並未提供膠手套，所以真的處理不到。「個story大家可能都唔會信我，但的確係我當時所講，所以當大家有反應，個隊員都同我『花姐你瀨嘢啦』，姜濤一落機都有send 訊息俾我『花姐，你個story點呀』。我覺得大家唔好諗咁多，Frankie都咁大個人，俾空間佢處理，我希望姜濤早啲拍拖啦。」姜濤受訪時表示有關心Frankie隊友，但認為要給對方空間：「人哋嘅私人事情，我哋都係俾返啲空間佢哋自己去處理，我哋都唔方便講人哋嘅嘢。」。

今晚，Edan與Jace陳凱詠、Jeffrey魏浚笙及Marf邱彥筒完成拉闊音樂會，完騷後Edan被問到燒雞事件，他立即忍不住笑︰「呢一條係好嘅問題，但有啲難handle，以我性格係會選擇唔答！真係好搞笑呢件事！真係咁啱嗰一日，我減肥只係食肉唔食飯，而且嗰間真係成日叫，難得佢（花姐）係度，咪話『不如食嗰個啦！好食喎！』之後夜晚見到佢個story，我都係冇反應。」

Edan其後知道網民廣泛談論此事，他繼續笑說：「我之後真係笑出聲！真係呢個timing……真係，我深知佢唔係特登，我真係好清楚知呢件事！有啲人成日叫我哋小心啲，佢都要小心啲囉！哈哈哈哈哈！真係天意……」Edan又說自己有關心Frankie，相信對方能夠處理，又認為今次是Frankie的私人事，自己又不太了解，不方便干涉太多。