連詩雅懷胎9月三點式賀生日　老公陳家樂操刀影寫真

連詩雅（Shiga）昨日踏入36歲生日，她懷胎9月並早已定於7月18日誕女，在成為母親前最後一個生日，與老公陳家樂及不少好友一同慶祝。今日Shiga更在社交平台貼出多張三點式泳裝寫真相，原來由老公操刀。

連詩雅昨日生日，與老公陳家樂「一家三口」一邊欣賞海景一邊食飯慶祝，在社交網貼出多張慶生相，又分享自己已定於7月18日誕女的她，分享度過當媽媽前最後一個生日的心情。「倒數最後幾個禮拜就迎接Camila嘅來臨，心情又緊張又興奮但係亦都有啲驚，同埋竟然有少少唔捨得呢個過程。原來係呢咁多個月入面，經歷咗好多身體上嘅轉變、事情上嘅轉變，個人變得好容易感觸，亦都多咗好多思考事情。」

Shiga續道：「我以前從來都係一個好容易被好小事影響我情緒嘅人，但係當身份真的即將轉變，睇嘢會唔同咗、放輕咗，因為好多個經歷你解釋唔到，真係自己先最清楚。所以只要清晰知道自己需要做啲乜，知道乜嘢係重要，其實就已經好足夠。」她特別感恩身邊有很多愛錫自己的人，感謝大家所有的祝福。

今天，Shiga繼續貼相，今次則是老公操刀的三點式泳裝寫真，特別感謝即將離港工作的陳家樂：「應該好一段時間都暫時冇得陽光海灘㗎啦，謝謝有人出差之前陪我玩一玩…… #大肚泳衣照 #都係留個紀念 #望住個海真係好治癒#countingdownthedays。」陳家樂早前透露，連詩雅將於7月18日剖腹生産，而自己在馬來西亞完成拍攝之後，會在7月17日回港，希望BB不要搶閘出世。