「小背心」許靖韻 (Angela)早年北上發展,近期回流香港樂壇及推出廣東歌〈望年月〉,更開設YouTube節目《私心歌單》,前晚(3日)播出的第一集,請來女團COLLAR成員李芯駖(Sumling)做嘉賓,並自爆原來對方是她人生中的第一個跳舞老師。
靖韻在個人YouTube頻道節目《私心歌單》,最新一集請來芯駖做嘉賓,她在社交網分享片段時寫道:「第一個私心嘉賓邀請到芯駖。芯駖其實係我人生中第一個跳舞老師,中學個陣每個星期都會揀『呀Ling』嘅堂上,覺得佢好靚同好好人,所以個陣就無上過其他老師嘅堂。十年之後我哋再坐埋一齊唱歌,希望大家鍾意我地今集私心揀嘅歌。」二人合唱洪嘉豪的〈黑玻璃〉。
許靖韻最初提出請芯駖做嘉賓時,同事們感到意外,她說:「好多同事問點解我會識佢,其實好神奇,因為佢係我人生中第一個跳舞老師。佢啱啱先講起,原來當年我係着住校服去學跳舞。」芯駖表示,當年剛開始教跳舞,見到有學生著住校裙來上堂。「當時覺得著住校裙上堂咁得意嘅!有一次走,大家行同一條路,我就問佢點解,佢話讀緊預科。」
許靖韻又自爆,當初知道芯駖參加《全民造星IV》時,自言很白痴地dm對方,詢問之後可否繼續找她上堂。芯駖則指,當時節目還未出街,許靖韻插嘴說:「咁先勁,你已參加緊,仲覆我,話好呀好呀,你之後約時間。」芯駖笑言,當時只是一心去參加,沒有想過完了比賽後便直接出道。
今次節目主題是旅行,由芯駖建議,她說:「因為你話要唱《緊急聯絡人 》,我就即刻諗到旅行,因為去旅行萬一有乜嘢事,都要有個緊急聯絡人去聯絡。」其後二人輪流獻唱〈緊急聯絡人〉、〈失約巴黎〉、〈他約我去迪士尼〉、〈失落沙洲〉及〈黑玻璃〉等歌曲,不少網民留言說二人聲線合指,亦有網民讚芯駖的唱功進步了不少。
留言 2
清水照
上大陸玩101都唔得嘅人𠵱家走嚟痴人哋啲光🤭
05月06日02:45
honghong
又可以唔使再睇佢
05月06日05:57
顯示全部