藝人鍾嘉欣自婚後移居加拿大，專心照顧一對仔女，早年特意返港拍攝嘅無綫台慶劇《星空下的仁醫》現正熱播，雖然人已返回加國，但近日頻頻更新社交網，為劇集造勢，非常落力。
尋日（28號）佢晒出2013年前到韓國拍攝節目《度身訂造旅行團》嘅片段，佢遇到男星池晟即時變成小粉絲，怕怕醜醜自我介紹，工作人員叫佢同對方合照時即大叫：「好呀！好呀！」就算掩嘴都遮唔住同靚仔男神集郵呢份喜悅，自嘲：「我要矜持啲。」鍾嘉欣眼甘甘咁望住對方，非常可愛，最後更同池晟攬攬道別，真係唔係人人都有呢個機會！雖然相隔8年，但鍾嘉欣美貌依然完全冇走樣，似足食咗防腐劑一樣。
東網網站 : https://on.cc/東網Facebook專頁 : https://www.facebook.com/onccnews/
留言 0