細妹湯樂瑤解放黑絲　湯洛雯浸溫泉「裸命」狙擊

湯洛雯索爆細妹湯樂瑤早前於社交網大晒泰國度假照，連日來狂騷水着Look大派福利，最新一輯相更大玩透視誘惑，着黑色喱士裙透出黑色三點式，相當狂野。另邊廂家姐湯洛雯（靚湯）亦唔輸蝕，網晒日本旅行照，呢日更絕密公開溫泉照，並留言：「Enjoying the onsen！（享受浸溫泉）」見浸喺水中嘅佢，一隻手靠住池邊，露出迷人鎖骨及性感香肩，夠晒「裸」命，佢不但頭側側面露甜笑，而且有溫泉蒸汽嘅襯托下，即時仙氣爆棚，「靚湯」之名當之無愧！網民紛紛大讚靚女，更笑指：「強烈要求靚湯企喺身！」

至於湯洛雯未來老公馬國明正忙於籌備新劇《NEWS新聞女王》，日前佢與佘詩曼進行圍讀，並接受TVB娛樂新聞台訪問，馬國明笑指將婚事全權交畀靚湯處理：「其實主要都係阿湯搞，男仔通常好少畀意見。」被問到係咪負責埋單時，佢就口窒窒表示：「係啊，係啊，係啊」，場面搞笑。

東網網站 : https://on.cc/東網Facebook專頁 : https://www.facebook.com/onccnews/