上回講到,ViuTV將於下星期一(4月29日)首播幾個新節目,除劇集《婚內情》、《詭探前傳》,杜汶澤主持的《走佬去馬拉》亦會同日晚上11時推出。
阿澤於馬來西亞不但充當Grab司機,又穿上恐龍裝與曾拍攝性感寫真的黃潔琪(Miko)到打卡熱點粉紅咖啡店「拍拖」,更大膽試食當地壯陽補品東革阿里。阿澤一放進口就連聲大叫「好苦」,並面紅耳赤,更表示「有啲上頭」,又取笑老闆娘知道他光臨,就一早煲定東革阿里湯等他。
參觀當地安全套工廠的「加味區」時,阿澤對不同味道的安全套十分好奇,但當老闆邀請他試味時,阿澤立即拒絕:「唔係掛,我好少玩呢啲,我多數俾人taste」。豈料,老闆隨即表示「可以taste,味道係甜」,更立即放進口試味,嚇到阿澤眼碌碌表示:「Viu俾好少錢我,我仲要幫佢含」,但話口未完,阿澤就忍不住試味。到了產品展示中心時,阿澤亦大膽嘗試工廠其他性商品,他對口交膜更特別有興趣,笑言「呢個我taste到」,更立即多次試味及示範,豪言「當節目一出,突然我就好受歡迎」,引發全場大笑。
阿澤一向語出驚人,表示安全套工廠工人每日套安全套的工作重覆沉悶,就如當年在亞視工作,拍攝千篇一律,都是重覆「尹天照、萬綺雯、江華」。跟工廠老闆請教如何拿專用尺量度生殖器宮尺寸時,阿澤拿成龍開取笑:「你好彩我咋,你俾成龍大哥嚟到,你兩把都唔夠度呀!你知唔知筷子筒……膠嗰啲呀嘛……咪成龍大哥啲size。你呢把尺侮辱成龍大哥,會爆炸㗎佢」。工廠老闆笑言:「Sorry呀,做唔到佢生意,做你啦」,阿澤即抵死回覆:「如果你做到佢生意,佢無咁多麻煩野」。
阿澤與其電影公司拍檔談到馬拉電影愛以鬼怪作題材時,二人笑言馬來西亞十分猛鬼,阿澤爆料:「你知唔知周星馳唔敢嚟做宣傳?馬來西亞、泰國佢唔敢嚟,出咗名呀,佢驚鬼呀嘛……佢好多野驚啦,總之行雷又驚,鬼又驚,咩都驚」。
Text:機