周國賢入行18年首開紅館騷！幻想多年終實現：原來係咁

周國賢（Endy）入行首個紅館個唱、一連三場的《周國賢 Endy Chow jaugwokyin THE END 紅磡香港體育館演唱會2022》昨晚（9月2日）開鑼，全場爆滿。

演唱會於晚上8時40分開場，周國賢彈著木結他登場，以《第一次》揭幕，當唱到《溫室氣球》時，全場觀眾已起身揮手和唱。Endy在台上分享時，提到入行18年才上到紅館舞台：「每個人步伐都唔同，點解我18年先上到嚟？的確最近有攝高枕頭諗吓，但其實我自己都唔知，如果我知就一早入咗嚟。」

Endy笑言自己很容易分心，在台上不時忘記想說內容：「四面台真係好distract，我又唔記得咗，唔好嘈（笑）……我幻想過呢個moment好多年，原來係咁嘅。」他特別感謝多年來不同團隊的支持，感恩大家的愛護。

演唱會其中一個環節是由Endy的樂隊Zarahn演出，Endy笑言這個除了是周國賢第一個紅館show，亦是Zarahn首次在紅館台上演唱。

演唱會首場有ToNick任嘉賓，合唱《時空》後Endy和恆仔咀咀，答謝支持。不過，最令觀眾「驚喜」的，可能是兩個單位沒有合唱《時間的初衷》。