方媛中學時期舊照曝光　當年偶像就係郭富城？

天王郭富城與太太方媛肓有兩女，一家四口生活美滿。雖然不少網民翻Loop方媛做模特兒時嘅舊照，指佢外貌同依家有所不同，變得愈來愈有貴氣，佢日前喺社交網大晒讀書時期的照片，留言叫網民估佢影呢張相嗰陣係幾歲？

睇到佢當時嘅妝容同打扮，同埋張相嘅色調同背景，都明顯有年代感，佢嗰陣紮住孖辮，以粉紅色樽領衫配長褲上陣，非常純樸，但佢個樣就望落同依家都冇咩唔同，果然係純天然。網民仲晒出佢唔同時期影嘅靚相，大讚佢同女神級嘅高圓圓、劉亦菲鍾欣潼等撞樣添！最後佢開估呢張相係讀中二嗰陣影嘅，好多網民仲想知佢當時個偶像係咪郭富城，仲問佢估唔估自己大個咗之後會成為天王嫂呢？

東網網站 : https://on.cc/東網Facebook專頁 : https://www.facebook.com/onccnews/