單車友風雨不改葵涌馳騁　貨車駛過水氹　兩人遭兜頭淋

本港今日(4日)雷雨不斷，單車友破風卻風雨不改！事緣網上流傳一段車Cam片顯示，在葵涌貨櫃碼頭南路，兩名單車手在公路上在無瓦遮頭的左線，於雨中往葵涌方向結伴破風，後方一輛貨車從中線轉右線，並駛入前方一個水氹，頓時大量水花四濺，打中兩名單車友，網民直言「落雨都出來踩預左(咗)啦」。

片段在社交平台Facebook群組流傳，有網民留言稱兩名單車友為「勇士」，並指「破風破雨，無問題」，亦有網友指「落雨踩單車申請俾(畀)人淋水」，並調侃道「濕下身無咁熱」，不過有留言則表示「有咩所謂，反正都濕哂」；另有人稱「落大雨都出黎(嚟)踩馬路、不知幾enjoy比(畀)人鏟水，不過係差在幾時做孝順仔/好老公」。

東網網站 : https://on.cc/東網Facebook專頁 : https://www.facebook.com/onccnews/