台灣型男柯震東早前趁母親節前夕，分享媽媽年輕時靚相，清新美貌被指似足影后周迅，仲吸引3萬多人狂讚。正當大家以為柯震東靚樣係遺傳自媽咪時，佢再喺社交網照出爸爸柯耀宗年輕時型照，竟再次震撼網友眼球。
相中柯爸爸成個混血兒樣，柯震東再自爆擁有64分之1荷蘭血統，佢仲話原來網友大讚佢似媽咪一事令爸爸唔服氣，因此柯震東先會重新Post出爸爸靚仔相，又搞笑宣布兩邊都有遺傳到：「好吧！都可以啦」不過網友反而朝聖指老竇靚仔過佢，父母顏值之高先可以生到個仔咁有型。
東網網站 : https://on.cc/東網Facebook專頁 : https://www.facebook.com/onccnews/