George曾向P1X3L隊友商量進修大計　紅雨下仍獲大批粉絲到場支持

P1X3L成員歐鎮灝（George）昨天（14日）出席香港建造學院活動，同場有小儀阮小儀擔任司儀，席上George分享他追歌手夢的過程，又自爆曾與P1X3L隊友商量進修大計，甚至不排除未來有機會入行！

George表示參與《全民造星II》以前，他曾擔任兼職銷售員：「嗰陣都未諗定自己想點，到19年鼓起勇氣參加《造星II》，幸運地簽到公司，成功入到行，嗰刻真係好似中咗頭獎咁開心。到而家對電影有興趣，平時都會搵啲導演傾吓偈，學習多啲。」他認為時刻做好準備，坦言曾與兩位P1X3L成員商量進修大計：「機會留畀有準備嘅人，即使我知道自己唱歌、演戲未係最好，但都期待每次更好、更進步，自己都不斷進修演技。」

George又呼籲DSE同學們藉着今次資訊日，了解更多課程相關的資料作參考，並以P1X3L歌曲《Just Lean On Me》歌詞鼓勵同學：「未到大結局，劇透沒有大意義呀！」雖然活動舉行前遇上紅雨，但George亦獲不少粉絲到場支持，活動後他亦逐一跟粉絲合照，以報答他們的支持。