無綫藝人陳嘉慧（Erica）前年10月在無預警下，與圈外富貴男友Calvin閃婚，2個月後再公布懷孕喜訊，去年3月宣布女兒出世，一家三口幸福美滿。踏入新一年，她在社交網作出2024年回顧，分享多張女兒與老公的照片，當中罕晒囡囡正面照，見BB女非常好肉地，笑容跟媽咪一樣甜美。
她指育兒之路絕不簡單：「成為咗媽媽之後，身上嘅責任多咗好多，令我不得不放棄好多嘢，但係呢一切都好值得！每一日見住BB嘅成長，佢嘅笑容，真係可以令人忘記疲勞，覺得好幸福，最重要嘅係，真係要多謝愛我嘅人同我愛嘅人，一直係背後嘅支持。2025年，希望大家身體健健康康，同埋要繼續開開心心快快樂樂。」現時有老公錫，又有女萬事足的她，似乎未有重返無綫的意思。
東網網站 : https://on.cc/東網Facebook專頁 : https://www.facebook.com/onccnews/