台灣女星陳妍希2011年因拍攝《那些年，我們一起追的女孩》女主角「沈佳宜」，一炮而紅。而不時透過社交網分享生活點滴嘅佢，日前就晒出去主題公園賀萬聖節嘅靚相，只見久違着上水手服嘅佢，大晒修長美腿及苗條身材外，加上黑色長版外套，更係猶如女戰神般英姿颯爽，引嚟唔少網友留言道：「這…我覺得你得管我叫阿姨！嫩到能掐出水！」、「不嚇人，好年輕漂亮。」、「美麗的你，努力生活，為自己為家人好好愛自己！永遠對自己好一點！」、「姐姐真美，像18歲少女一樣，皮膚又白又嫩！」、「妍希，做自己、希望你愈來愈好！」
此外，其中一張驟眼望落陳妍希同小小兵合照，但仔細望落就會發現小妍希囝囝「小星星」偷偷暱埋咗喺小小兵後面，引嚟唔少眼尖網友留言道：「調皮可愛的妍希和星星！」同時亦因相中未見到老公陳曉嘅身影，令唔少粉絲感到遺憾。
東網網站 : https://on.cc/東網Facebook專頁 : https://www.facebook.com/onccnews/
留言 0