多蒙特已經開始揾新教練人選

根據圖片報消息，多蒙特下場比賽對住博洛尼亞歐聯比賽將會決定教練紐尼沙軒命運，沙軒有機會憑住一場勝仗去扭轉劣勢，但亦都有機會因為輸波而被球隊炒魷魚。如果多蒙特高層堅持比沙軒留低，普遍德國傳媒都認為多蒙特今季將會被嘥咗一個球季🙃

消息又指多蒙特高層已經開始去搵新教練人選，球隊經理列瑾想搵一位同沙軒背景相反嘅教練，即係無多蒙特相關背景，而且擁有豐富執教經驗，列瑾留意住58歲瑞士🇨🇭教練菲沙，呢位教練曾經兩次帶領巴素利贏過瑞士聯賽冠軍同埋帶領柏林聯歷史性可以參加歐聯比賽🙂

根據德國天空體育消息，如果多蒙特對住博洛尼亞歐聯比賽輸波，紐尼沙軒將會面臨被炒嘅風險，因為球隊已經搵緊新教練人選。當中前曼聯、阿積士教練坦哈格成為多蒙特新教練大熱人選，而德國國家隊助教辛度華拿同教過利華古遜嘅羅渣舒密特唔會成為多蒙特新教練😶

運動