今日(26日)凌晨時分，網上瘋傳一名男子在大廈出入口小解的貼文，並附兩張相片。據悉現場在土瓜灣北帝街28至28A一幢大廈，相中見一名蓄短髮、戴上黑框眼鏡、身穿深藍色上衣、牛仔褲及穿上白色布鞋的男子，站在大廈近出入口梯間，他左手持手機，右手則放於下體位置，相中見有一條「尿柱」射出，期間，疑有住客落樓見狀用手機拍下「罪證」，「四眼男」似未有羞恥之心，邊屙邊用左手持手機反拍該名住客；期間，一名男途人步經上址亦為之側目。至於事發時間及事件後續如何，樓主則未有交代。
貼文發出未夠句鐘，已有逾百名網民紛紛留言狂炳「四眼男」，「仲好意思影返(番)人轉頭，行為咁天龍人嘅？」、「正人渣」、「畜牲！」，亦有網民揶揄「又咁大肚腩，肝腎唔謊(慌)好得去邊，重要+(加)埋細兜，所以佢咪成日急屎囉。」，有人笑謔「四眼男」「呢啲先叫臨危不亂」、「飲咗酒梗係咁㗎啦～日本好興架(呀)」、「掛住鬥影就嚟痾(屙)落鞋度。」、「有哂面孔，足以發揚光大成為名人：尿事如神」。
東網網站 : https://on.cc/東網Facebook專頁 : https://www.facebook.com/onccnews/