歌手陳蕾和洪嘉豪今日(27日)到尖沙咀出席化妝品活動,吸引不少粉絲到場支持。於3月初完成四場紅館演唱會的陳蕾,事後獨個兒前往日本九州自駕遊,享受了10天愉快旅程,她說:「當地揸車真係好方便,大家都可以去體驗吓。」資深音樂人周啟生狠批陳蕾個唱上「近乎離晒譜走音」,陳蕾直言完騷後有看報道,旅程間亦有慢慢消化,她稱:「我自己都知自己有好大進步空間,無論係現場演出或錄音,有時出到嚟都未如自己理想,所以我都感激每個人擺低對我嘅睇法,有啲善意留言我都可以進步。」
至於擔任陳蕾演唱會嘉賓的魏念恩(Nathan)企圖自殺,她指事後有立即慰問他,對方亦有回覆,問到可有開解Nathan?陳蕾指:「一直以嚟都有,都有畀佢支持同鼓勵。(佢情緒易波動?)由總決賽發生咗太多事,相信每個人遇到呢啲情況都好唔開心,我嘅角色一直係畀支持同鼓勵,亦想用盡方法燃起佢對生命嘅意志,可以勇敢面對自己嘅人生,承擔自己要承擔嘅嘢。(請佢做嘉賓想幫佢變害佢?)如果感受到任何人對生命失去鬥志,唯一令我後悔係我未盡全力拉起佢。」
另外,陳蕾跟同是《亞洲星光大道》出身的古淖文,在《中年好聲音2》贏得了冠軍,陳蕾表示有恭喜對方,又指14年來都有保持聯絡,問她可覺得他是遲來的春天?陳蕾就話:「之前嘅經歷係好好嘅養份,話唔定要經歷好多高低起伏先有依家嘅成績。(有機會合作?)可以諗吓嘅。」
東網網站 : https://on.cc/東網Facebook專頁 : https://www.facebook.com/onccnews/