吳浩康自揭經濟狀况轉好 或為張致恒介紹工作

吳浩康（Deep）、Kiri T出席港鐵45周年嘉年華「Chill Fun 鐵路樂園」，2人獻唱多首歌曲炒熱氣氛，不少家長帶同子女捧場！

早前Deep遠赴澳洲街頭表演，他表示為移民港人解「思鄉情」：「其實我係去佈道會同傳教，同當地朋友傾開知道大家都有思鄉，即席街頭表演畀大家開心，有啲人話我『唔係冇錢嘅咩？點解咁有錢飛去澳洲做Busking？』，其實誤會啦，機票係人哋買畀我嘅，我都坦白講，我經濟狀况同工作狀况已經改善咗很多，多謝大家關心！艱難時期同大家分享，𠵱家好啲都會同大家講。」

Deep表示不少建築工友開工不足，而昔日同門張致恒（Steven）日前亦呻開工不足，再度網上借錢，Deep表示2人未有提及這話題：「我同Steven都係男人，男人關係同友情一般都係等對方有需要先開口，咁我就睇下點配合。（會不會介紹他開工？）如果客人有興趣搵我，我都會介紹畀佢。（你對他有信心？）客人有興趣就介紹，又唔係我請佢！」

Kiri T演唱會舉行在即，她表示無法加場，盼在更大場地做個唱：「我邀請一齊做音樂嘅朋友做嘉賓，仲有啲我幫佢作歌嘅歌手一齊玩，所以請大家期待！」

（即時娛樂）