林芊妤Coffee穿瑜伽褲拜山被抨擊 發起30日挑戰：出返啖氣！

林芊妤(Coffee)影片頻道出名教大家做運動做瑜伽，常常一身運動打扮，不過早前重陽節她和兒子及家人去拜山時，有網民就評擊她身穿瑜伽褲去拜山，指她「喜歡人睇，驚死人唔認得佢呀嘛」。之後Coffee留言反擊之餘，更發起「30days of leggings」挑戰。

Coffee在facebook留言提到：「睇到呢個comment真係眼都突！」說自己當日由山腳柴灣行到山頂凌霄閣，之後去郊外風箏場野餐同放風箏，全日運動，「着運動衫係有乜嘢問題？總好過我着到登台咁去拜山啦係咪？」而且她更發起30日穿瑜伽褲挑戰，「無論食飯行街去Event去買餸，任何諗得出嘅場合都着leggings！」第一日就已經穿上瑜伽褲去接兒子放學：「要為所有鐘意著瑜伽褲出街嘅女仔出返啖氣！」