內地藝人吳亦凡2022年因強姦及聚眾淫亂罪而成在獄中服刑，惟佢早於2020年就捲入強姦案，連累多套佢有份參與嘅所有作品要下架，當中佢2019年與內地頂流女星楊紫拍攝嘅內地古裝劇《青簪行》，原定於2020年暑假檔期推出，但因吳亦凡出事，此劇被視為已石沉大海，播出無期。
近日網上傳出《青簪行》即將定檔，男主則會換為上位男星彭冠英補位，早前就已經傳過男主會以AI技術「換臉」，楊紫亦積極參與補拍嘅部分，傳聞鬧得熱哄哄，更一度被推為熱搜第一位，再次引證人氣度！
不過有楊紫粉絲就擔心，因為依家正播出楊紫新劇《國色芳華》，熱度高坐穩新劇點擊第一名，兩套古裝劇打對台必然收視「重傷」收場。不過「#青簪行男主」亦登上熱搜，皆因彭冠英同內地女神趙露思正拍攝中嘅愛情劇《戀人》，因趙露思病情及相關問題而「原地解散」，大家都戥佢可惜，如今《青簪行》疑似上畫，網友都期待可以睇到佢嘅演出，望一睹男神古裝風采。
東網網站 : https://on.cc/東網Facebook專頁 : https://www.facebook.com/onccnews/
留言 0