容祖兒陳年追星照曝光　周慧敏見證學生變天后

樂壇天后容祖兒依家地位舉足輕重，想當年佢以超強靚聲殺出重圍，但原來回到未紅時，佢都係一位追星小妹妹，今日（27日）凍齡女神周慧敏就晒出二人昔日合照，只見當時仲係學生妹嘅容祖兒，着住校服、留有中間分界，瓜子口面非常清澀，同當時已經係頂級偶像嘅周慧敏企埋合照，面對女神佢毫無怯場，即獲周慧敏大讚佢純情：「祖兒妹，多謝妳發這個拼圖給我，謝謝妳收藏着，好sweet好sweet，好純情的學生啊, 超愛！😍💖💕❤️」容祖兒亦不禁感嘆女神美貌：「你真係好靚！」對照依家二人新合照，容祖兒升呢做天后，表情更為從容，不過對住偶像都一樣咁有愛，難怪二人都話要好好收藏張合照，好有紀念價值。

東網網站 : https://on.cc/東網Facebook專頁 : https://www.facebook.com/onccnews/