王嘉儀（Sophy）近年以獨立歌手身份發展音樂事業，最近獲麥浚龍公司「幻．國文化」簽招攬成為旗下女歌手，是繼之前謝安琪離去後再簽入女歌手。正當唱片公司爭奪《聲夢傳奇》幾位入圍決賽的女歌手，其實王嘉儀更是2009年第一屆《超級巨聲》參賽者之一。
王嘉儀在2009年參加《超級巨聲》獲得第七名後，2011年以獎學金入讀中文大學法律系，畢業後與音樂監製趙增熹成立獨立廠牌 Bunny Eats Ltd.，以Sophy名義在網上推出第一張個人創作EP 《Sophrology》而得到好評。過去Sophy試過以眾籌方式推出專輯，亦試過獨闖台灣，擴闊自己的音樂版圖，曾在港台兩地獲得多項音樂獎項和提名，成績不俗，近日獲Juno看中成為旗下歌手。
對於簽約Juno旗下，Sophy表示期望能藉此發掘更多可能性，深入了解自己，她說：「過去一年我比較多時間喺台灣，亦好幸運喺台灣認識好多唔同音樂人，同時獲得一啲音樂獎項提名，當中吸收唔同經歷同養份。因緣際會帶咗我返香港，遇到幻・國團隊，佢哋俾我感覺係可以喺商業同藝術之間攞個好好嘅平衡，亦都令我覺得好啱feel，可以發揮好多自己嘅想法同創作上有更多嘗試，非常期待嘅合作。」
當然，Sophy亦識做地大讚老闆Juno過去的創作，令她對團隊充滿信心。「Juno係一個用好多毅力同堅持，喺演藝圈行自己道路嘅藝人，一直默默地用自己方式造就自己風格、創作，喺影像或音樂路上有好鮮明嘅形象，喺呢方面算係一種啟發，非常期待之後嘅合作，希望喺啟發過程中好好發揮，成為獨特嘅藝人。」
近日Sophy拍下一輯宣傳照，以3個造型突顯Sophy的個性，讓外界對她有更深入的認識，同時也是給樂迷的「再遇禮」。同時，三個造型亦帶出Sophy對未來多元發展的決心，而這次破格的造型嘗試，Sophy似乎試上癮，她說：「其實我平時都鍾意啲古靈精怪嘢，但今次level up（升級）咗，但依然代表到我，希望之後陸續有嚟！」
在預視的未來，Sophy以音樂人身份忙過參與由周耀輝策劃，亞洲藝術文獻庫 、大館當代藝術館跨界合作的一連串企劃《留念》，將全情投入全新專輯製作，Sophy透露：「過去一年我大部份時間都喺台北，吸收咗好多營養、創作想法同靈感，希望接住落嚟可以將呢啲音樂創作展現喺歌曲上，將更多嘅音樂介紹俾樂迷，加盟幻・國文化後好快舉行的售票音樂會，希望到時比到驚喜樂迷，而除咗音樂上嘅新嘗試外，亦希望可以有更加多唔同面向俾大家睇到，希望大家都期待！」
留言 0