西貢連續3日35貓遭遺棄　愛協緊急呼籲市民提供資料「邊個抌貓貓出街？」

西貢近3日有35隻貓遭遺棄。

香港愛護動物協會今日（27日）於facebook專頁發帖表示，過去連續3晚均收到匿名電話，指西貢有貓隻被遺棄。愛協接報後跟進，分別於24日（周二）救起14隻，25日（周三）救起13隻；及26日（周二）救起8隻共35隻貓，包括唐貓、英國短毛貓、蘇格蘭摺耳貓、金吉拉貓、豹貓、暹羅貓、阿比西尼亞貓、德文捲毛貓、緬因貓等等，「呢啲貓貓係喺3個唔同地方被發現，但全部地點都係位於西貢」。

愛協又指「呢啲貓貓全部都非常親人，明顯原本係有主人」。目前愛協照顧其中27隻貓，而漁護署就帶走昨日發現的8隻貓。而當中大部分貓隻均有健康問題，例如貓癬同貓感冒，經獸醫檢查和照顧後，目前情況穩定。

愛協認為事件有可疑，已經報警及通知漁護署，要求進一步調查，並發出緊急呼籲，希望市民提供這些貓隻的資料，以確保沒有其他動物受同樣嘅苦，「而家最重要嘅問題係：係邊個將呢啲貓貓抌出街？佢哋點解要咁做？」，如市民有關於該些貓的任何資料或者線索，可致電2711 1000聯絡。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)