胡楓於1月1號晚做叱咤表演嘉賓大受歡迎,昨晚(1月2日)TVB播出由「最年長螢幕 CP」羅蘭加胡楓主演的《妳不是她》,既可愛又浪漫。
劇情講述阿信(丁子朗飾)嫲嫲月英(羅蘭飾)因在老人院亂放紙飛機,引來院長(張本立飾)及院友家屬投訴。阿信女友夏莉(馮盈盈飾)介入事件後,發現嫲嫲並非亂拋垃圾,只是將紙飛機當作情書並誓要送到愛人琛伯(胡楓修哥飾)手上。為了向琛伯示愛,嫲嫲還經常夜探琛伯,事件惹來琛伯新抱黃太(姚瑩瑩飾)不滿,與丈夫(鄭啟泰飾)極力阻止嫲嫲接近琛伯,因而與夏莉爆發衝突即…最終因為琛伯開口承認「我想同月英去拍拖」,兩老終能如願,並在阿信及夏莉帶領下「著靚靚」夜遊香港。除了遊電車河,還於海旁浪漫共舞。而為免招惹無謂事端,月英及琛伯選擇「地下情」,人前扮唔熟的二人不時在院舍低調送心心兼「眉目傳情」。
修哥與羅蘭雖已年屆 91 歲及 89 歲,但二人寶刀未老,這邊廂羅蘭發功大晒「表情包」,一口氣展現慈祥、精靈、任性、扭計、看透世情、嬌俏、期待及勇敢追愛等多種不同情緒;那邊廂修哥打扮後依然風度翩翩、瀟灑有型之餘,發火時更中氣十足,氣勢逼人。
現實生活中同樣儼如糖黐豆的修哥及羅蘭姐,劇中的甜蜜對望十足十時下熱戀情侶。談到修哥與羅蘭的「遲暮戀」,監製 April 坦言角色是為二人度身訂造,並以「追求愛情大歷險」七個字打動二人答應演出:「我哋度劇本嗰陣已經鎖定兩位前輩,當時我用追求愛情大歷險嘅主題嚟打動佢哋,聽完故仔後佢哋都相當開心同興奮。」April 又指,遊電車河拍拖一幕更是修哥昔日拍拖時的親身經歷。
劇中與羅蘭修哥勁多對手戲的盈盈,大讚兩老Nice又親切:「我哋喺現場睇嘅時候,已經覺得佢哋兩個演繹得好有CP感,呢集我都有睇番,修哥同羅蘭姐真係演得好浪漫,我都睇到好冧。」盈盈還大搞食字gag,笑言修哥與羅蘭姐戲內戲外一樣咁「Sweet」:「佢哋私下都好鍾意食甜品。」
留言 1
J. Totoro
幾肯定content farm/大陸再誤傳/惡攪佢地結婚
01月03日08:09
顯示全部