Jeffrey成廣告界新寵 每周操肌5日進軍樂壇

Jeffrey（魏浚笙）自參加Viu真人騷《調教你男友》後知名度大增，入行短短兩年，廣告、劇集、綜藝、電影等工作一個接一個，早前更踩入樂壇推出首支派台歌《第一個迷》，成為新一代全能男神。

早前Jeffrey又再開工，同「家姐」劉沛蘅（Hillary）一齊登上豪華遊艇出海為護膚品拍廣告，見到以一身純白色打扮現身的Jeffrey無懼寒冬，在鏡頭前擺出自在的表情，令粉絲都心心眼，Jeffrey更興奮表示「我係第一次上巨型遊艇拍廣告，感覺好奇妙，一來當日天氣好好，天空又好靚，喺度拍廣告勁chill 勁開心！」

而Hillary早前雖然又要拍《膠戰S3》，之後又同好姊妹阿正（黃正宜）去澳洲遊山玩水，但肌膚絕對冇因為兩地天氣而受影響，拍攝當日依然保持最佳狀態，更以純白吊帶小背心上陣，大騷白滑肌膚。