韓國化妝品牌3CE出名少女風之餘，其母公司位於明洞及弘大的Stylenanda Pink Hotel都係icon之一！雖說是酒店，但入面卻只供大家打卡、選購產品，不能入住。想一圓住靚靚粉紅酒店的夢？現在有機會喇！品牌最近就與香港W酒店合作，推出期間限定主題套房，以STYLENANDA經典的粉色系列粉飾Extreme WOW Suite，貪靚嘅CHOCO昨日就率先為大家直擊房間有幾靚！
今次變身Pink Hotel的主題套房位於酒店頂層38樓，佔地逾2,000平方呎。客廳、書房、睡房都充滿著粉紅色的咕𠱸，令人少女心大發。起居單品亦換上新面貌，除了有印上Stylenanda Pink Hotel字樣的拖鞋、毛巾，粉紅色加荷葉領的浴袍更令人驚喜，好適合同姊妹一起穿上拍閨密照。單是打卡當然不夠，入住的朋友亦會收到品牌旅行套裝，而盛載著它們的化妝袋據說更是今次活動獨家推出的，所以記得要拎走呀！
同場CHOCO又預覽了品牌秋冬新品，包括有牛奶系列新成員White Milk Lotion，以及雙色胭脂、九格眼影的新色。Milk lotion與系列其他產品一樣，主打瞬間提亮膚色，入面的淡淡牛奶香味讓人感覺舒服。Milk lotion質地比Milk cream水狀，但推開仍然厚實，在香港不太凍的秋冬天使用應該剛剛好。眼影盤的靈感則源自珠寶，用上實用性高的大地顏色，配合微微閃粉，令雙眼望落有神，尤其適合party look！
香港限定STYLENANDA PINK HOTEL粉紅酒店
每晚房價$38,000起（另收加一服務費）
留言 0