藝人張建聲（Justin）、譚耀文、吳卓羲演出的《逃獄兄弟3》2022年上映，反應不俗，尤其角色塑造方面，非常立體，而近日，張建聲於其社交平台甫出一張寫有《刀疤傳》的照片，「刀疤」正是他於《逃》片中的角色名字，問他是否將開拍以該角色為主角的新片？張建聲大賣關子，只表示：「遲啲有官宣，等官宣當日先講詳情。」
現身在馬來西亞的他，正參加好友開設之健身中心的減肥計劃，將接受一連串的地獄式訓練，努力減磅增肌以應付之後的電影角色。除了積極減肥，Justin還表示會在馬來西亞尋求多些拍戲機會：「近期香港開拍嘅電影真係好少，真係唔想坐喺度等，希望可以喺出面好似馬來西亞咁，去搵多啲拍戲機會，因為演戲真係我醉心同喜歡嘅事，真係好希望可以一直拍落去，依家都傾緊一部電影，如果成事嘅話，除咗我之外，都有一啲同行可以有工開。（做演員之餘，仲做埋監製？）係，希望可以成功。」
東網網站 : https://on.cc/東網Facebook專頁 : https://www.facebook.com/onccnews/
留言 0