Marf、芯駖同日出歌　與George、Stanley再續前緣

樂壇女子組合COLLAR成員Sumling李芯駖與Marf邱彥筒昨日（10月8日）同步出新歌。Sumling繼早前推出《SPYLING》後，再推出本年度第二首個人單曲《讓思憶症發作》MV。Marf推出年度第二首個人單曲《心好細 <3》，是出道以來首支慢歌。

Marf的新歌《心好細 <3》Marf特意邀請劇集《那年盛夏我們綻放如花》的好拍檔George歐鎮灝擔任MV男主角，在熒幕「再續前緣」。Marf表示：「今次搵George做男主角，其實係我同佢有個情意結，大家一齊拍劇，共享咗大家嘅第一套刻骨銘心嘅劇，我相信呢個組合，觀眾會想再睇。」Marf透露本身希望跟George在MV拍一些災害、逃脫等鏡頭，可惜未有機會。

George則指自《那年盛夏我們綻放如花》後，相隔兩年與Marf再度合作，笑言有點緊張：「初初有少少緊張，之後就OK。有個場口要我偷望Marf都幾難忘，明明知佢係邊個，又要好似唔知咁，畫面好搞笑。」

至於芯駖的《讓思憶症發作》MV，找來入行前的跳舞夥伴Stanley邱士縉，客串大跳雙人舞展現默契，客串的Stanley更表現落力，又瞓地又要「舉」起芯駖，芯駖表示：「今次首歌講看不見嘅關係，呢段關係可能係前度，有啲前度可能係鬧交收場，但亦有好sweet嘅畫面，而今次搵Stanley嘅原因，因為佢好配合個角色，佢就係一個好男友嘅image。」

為了MV的舞蹈拍攝，Stanley與芯駖事前排練一整天，芯駖表示：「多謝佢抽空，佢出盡全力，喺今次舞蹈，佢有舉起我嘅動作，就算舉起我好多次，佢都義不容辭，好多謝佢。我同Stanley好耐之前合作過，默契上大家都知點，佢係一個好認真嘅人，對所有嘢都要求做到最好，亦會出盡全力，同佢合作有非常安心的感覺。」

Stanley就指芯駖欠他一個人情，笑言將來若有幸出歌，題材又適合的話，一定搵對方「償還」：「我哋入行前一齊走tour，雙人舞合作過，所以比較熟悉對方，不過MV上嘅合作，今次係第一次。」