黃偉文貼合照自認吳君如緊急聯絡人「報平安」：九秒九去咗柬埔寨接佢

日前森美分享自己接獲「吳君如」在WhatsApp視像求救，經Deepfake處理的「假吳君如」全程講普通話，又指自己被導演賣到柬埔寨，想向森美借5000元返港。森美公開事件，呼籲大家切勿誤信可疑來電。一直身在英國的吳君如未有回應，而她的好友黃偉文（Wyman）今天（31日）在社交平台貼出和「真‧吳君如」合照報平安，又笑指自己是對方的「緊急聯絡人」，已經九秒九去了柬埔寨接她，所以不用理會「任何膠面嘅吳君如」求救！

前日森美在社交平台上載短片，看到畫面中出現「吳君如」透過WhatsApp視像，向森美表示有急事找他；森美先向「吳君如」打招呼及確認身分：「Hello君如，我係森美呀。」對方卻不認得自己，森美再追問「吳君如」為甚麼找他，對方表示被導演賣到柬埔寨，想向森美借5000元返港。森美搞笑再問：「乜嘢導演呀？你拍《KK園之戀》？」「吳君如」未有回答，只提供戶口號碼便匆匆收線，森美呼籲大家切勿誤信可疑來電。

森美貼片後再寫道：「君如，你喺柬埔寨邊度啊？使唔使搵人嚟救你？依家啲Deepfake（深度偽造）都真係幾真，淨係睇樣都真係有機會認錯，除咗口音…都真係有6、7成似君如㗎﹗依家真係越嚟越多電話騙案，大家真係要搵啲方法Deepfake詐騙，醒目啲﹗」

吳君如近日一直身在英國，日前才與容祖兒及蔡卓妍（阿Sa）在當地合照，身在英國的君如，亦當然有與好友Wyman見面。Wyman今日就在社交平台貼出和「真‧君如」，搞笑寫著：「我係佢嘅緊急聯絡人，已經九秒九去咗柬埔寨接佢（用咗VIP卡五千變三千五 ），如果再有任何膠面嘅吳君如打俾你哋，唔好理佢！#柬埔寨今日都好凍吓」。文中的〈緊急聯絡人〉及〈九秒九〉正是Wyman填詞的作品，所以他特地加了句：「#配樂方面都要講返句百無禁忌嘅」。