敖嘉年6年前轉食素　對住叉雞飯似畀蟻咬！

藝人陳倩揚主持的香港開電視節目《你得我得大家得》邀請了敖嘉年擔任嘉賓，節目中敖嘉年分享了素食心得，幾年前加入素食行列的他表示：「5、6年前喺內地拍嘢，因為好怕食肥膩嘢，於是叫劇組烚菜、蛋同豆腐，食食吓就習慣咗，返香港之後繼續試吓食素，其實轉嘅過程好辛苦，因為開外景通常食叉雞飯，一打開飯盒聞到好香，自己好似畀蟻咬咁，不過慢慢過渡就OK。」

節目中敖嘉年更展現熟練的廚藝，陳倩揚指對方其實是大廚，他說：「爸爸做廚房，我細細個喺廚房煮嘢好鍾意拋鑊，拋到周圍都係，畀老竇鬧，不過依家無火煮食，拋唔到鑊。」

東網網站 : https://on.cc/東網Facebook專頁 : https://www.facebook.com/onccnews/