藥妝品牌夏日開倉 $10掃大熱唇膏

扮靚唔一定要花費很多，CHOCO早前就同大家介紹過一間生活百貨店做日韓護膚品開倉，當中$1換購面膜的優惠好多姊妹都讚正！知道大家喜愛性價比高的化妝護膚品，今次就帶大家睇睇藥妝品牌曼秀雷敦開倉，當中有超過50款產品做特價，有些更低至二四折，用開的朋友記得不要錯過。

開倉活動由即日至8月11日，特價貨品包括多款潤唇膏、潔面泡沫、化妝水、面霜、精華素、面膜等等，護膚上每一個步驟所需的產品都會找到。會場採用劃紙仔制度，大家可以先到showroom研究、試用產品，然後在紙上寫低所需數量，店員就會幫忙執貨。現場所見，貨品保質期至少去到2019年，不過大家收貨時都最好檢查清楚啦。曼秀雷敦的貨品其實大家都見慣見熟，CHOCO都不多作介紹，反而送大家幾個購買tips：

1. 毋須撳太多現金，因為買滿$300就可以用信用咭。

2. 場地電話訊號較弱，如果要幫朋友買，建議先預早夾好，免因溝通問題而耽誤時間。

3. 購買任何產品，會隨機送潤唇膏一支，另外於7月31日至8月6日期間，可以$1換購肌研白潤美白精華素，每人限買一支，每日名額50個。