做議員好忙，日日忙住開會，冇會開就落區，真係好難停落嚟。好似議員陸頌雄咁，今日(1日)傍晚搭巴士返屋企途中就瞓着咗嘞！可能真係極攰要抖抖，但明明佢瞓着咗，邊個操映低佢嘅睡相呢？有網民都留言話「偷影？咁樣算是缺德啦！」
以前有議員話朝朝早搭巴士返去金鐘立法會，因為長途又有位坐，上車瞓一陣就到。陸頌雄今日就喺社交平台上載咗張相，又貼文話「放工回家路。瞓着，是態度。」張相就係佢喺巴士瞓着咗嘅樣嚟，佢應該喺坐巴士上層，當時頭耷耷，雙手垂低。
有網民留言話「尊貴的陸議員沒有專車接送？」唔少網民就直接話「呢碗飯唔易食㗎」、「經常身心疲累！」可能知道陸頌雄呢排又要去深圳上堂，有網民話「又返學、又返工真係辛苦」，甚至話佢白頭髮多咗好多添！
另有網民似乎係讚陸頌做議員貼地，留言話「你識做，議員應該要務實同體驗多啲基層嘅生活，譬如坐巴士、坐地鐵，唔好好似有啲議員，有專車接送就唔識搭巴士、地鐵同電車。
東網網站 : https://on.cc/東網Facebook專頁 : https://www.facebook.com/onccnews/
