MIRROR成員李駿傑(Jeremy)最新單曲〈唯美本尊〉MV昨晚上架,今次新歌除了首次嚐試Band Sound外,歌曲由邱鋒澤送上Demo及Serrini填詞,Serrini更於MV中驚喜登場,連Jeremy事前也不知道。
Jeremy指今次〈唯美本尊〉的出現要多謝邱鋒澤:「邱鋒澤聽到呢首Demo,覺得好適合我,所以就將首歌送俾我,我聽完之後都覺得好正!好多謝佢俾到一首咁好嘅Demo我,又諗起我,所以我好開心。」而Serrini則為歌曲寫詞:「個人演唱會同Serrini合作後,一直都想搵個機會真正合作,直到〈唯美本尊〉呢首歌嘅出現,我同Carl叔叔傾時都覺得Serrini好適合寫呢首歌,而Serrini佢都好好應承咗我。」Serrini十分愛錫Jeremy,除了幫他寫詞外,她亦有份客串MV,但製作團隊特別為Jeremy製造驚喜,事前與Serrini夾好保密客串一事,直至Roll機一刻,Jeremy要演出開門的一下,他才知道Serrini的出現。Jeremy起初還要強裝鎮定繼續演戲,但最終都忍不住露出驚喜的表情,狂問點解。Jeremy見到Serrini的出現當然歡喜若狂,而二人在鏡頭中即興互動的畫面,也為〈唯美本尊〉的MV重點。
Jeremy亦表示很喜歡今次的化妝:「呢個妝令到成件事有一種神秘感同靡爛感覺,同時亦帶出呢首歌嘅重點俾大家知:要搵到最啱自己嘅嘢,搵到自己最靚嘅嘢,呢一刻未必所有人接受到,但我覺得自己好靚,咁就已經好足夠。」
留言 0